Mae’r cynllun wedi’i ddatblygu gyda lleisiau ein cymunedau’n ganolog, gan ein bod ni wedi ymrwymo i flaenoriaethu’r hyn sydd bwysicaf iddyn nhw.

Drwy gydol y pum mlynedd byddwn yn rhannu diweddariadau ar gynnydd, ac yn gweithio’n gydgynhyrchiol gyda phobl sy’n byw ac yn gweithio yn ein cymunedau i gyflawni ein huchelgeisiau.

Mae angen i ni gydweithio i wella a darparu gwell gwasanaethau i bobl sy’n byw ym Mhen-y-bont ar Ogwr, Merthyr Tudful a Rhondda Cynon Taf.

Yn dilyn ein Hasesiad o Anghenion y Boblogaeth, mae ein Cynllun Ardal Rhanbarthol yn nodi’r camau gweithredu y byddwn ni’n eu cymryd fel partneriaid i sicrhau bod pobl yn cael y gofal a’r cymorth sydd eu hangen arnynt ar yr amser iawn, ac yn y lle iawn.