Dewch o hyd i'r hyn rydych chi'n chwilio amdano
AROS YN IACH GARTREF
I bobl hŷn aros yn iach gartref cyhyd â phosibl
Rydyn ni eisiau i bobl hŷn a phobl sy’n byw gyda dementia gael y cymorth sydd ei angen arnyn nhw i aros yn eu cartref cyhyd â phosibl, neu i ddychwelyd adref yn gyflym ar ôl cael eu derbyn i’r ysbyty.
I gyflawni hyn, byddwn ni’n gweithio tuag at:
- Gwella parhad gwasanaethau iechyd a gofal cymdeithasol a ddarperir i bobl hŷn
- Gwella dewis ac ymdeimlad o reolaeth o ran sut, ble a phryd y byddan nhw’n cael cymorth gan wasanaethau
- Gwella mynediad at wybodaeth berthnasol fel bod pobl hŷn yn ymwybodol o’r cymorth sydd ar gael cyn i anghenion waethygu
GWASANAETHAU CYMUNEDOL
Er mwyn i wasanaethau fod yn hygyrch i bobl hŷn yn eu cymunedau
Rydyn ni eisiau i bobl hŷn a phobl sy’n byw gyda dementia gymryd rhan mewn gwasanaethau yn eu cymunedau, cyfrannu atynt a chael mynediad iddynt.
I gyflawni hyn, byddwn ni’n gweithio tuag at:
- Gwella hygyrchedd gwasanaethau iechyd a gofal cymdeithasol o fewn cymunedau ar draws ein rhanbarth
- Datblygu cymunedau cynhwysol, gan ddarparu mwy o gyfleoedd i bobl hŷn gymryd rhan mewn gweithgareddau
- Gwella rhannu gwybodaeth a chynyddu nifer y cyfleoedd cymdeithasol sydd ar gael i bobl hŷn
GWYBODAETH, CYNGOR AC ARWEINIAD
I bobl hŷn gael mynediad i’r wybodaeth a’r arweiniad cywir
Rydyn ni eisiau i bobl hŷn a phobl sy’n byw gyda dementia gael mynediad at y wybodaeth, y cyngor a’r arweiniad sydd eu hangen arnynt.
I gyflawni hyn, byddwn ni’n gweithio tuag at:
- Gwella ymwybyddiaeth o gamau cynnar dementia, a sut i gael diagnosis a chymorth
- Gwella mynediad at wybodaeth fel y gall pobl ddeall yn well sut y gallan nhw gefnogi rhywun â dementia
- Datblygu lleoedd diogel fel y gall pobl fynychu gwasanaethau a gweithgareddau yn eu cymunedau
- Creu dull gweithredu rhanbarthol sy’n canolbwyntio ar gymorth sy’n canolbwyntio ar yr unigolyn
- Sicrhau bod cymorth teg ar gael ar draws ein rhanbarth
CYMRYD RHAN YM MYWYD Y GYMUNED
I bobl hŷn gael cyfleoedd i gymryd rhan mewn gweithgareddau cymunedol
Rydyn ni eisiau i bobl hŷn a phobl sy’n byw gyda dementia gael eu cefnogi i ymgysylltu â’u cymuned leol a chael ansawdd bywyd ble caiff unigrwydd ei leihau.
I gyflawni hyn, byddwn ni’n gweithio tuag at:
- Gwella cysylltedd cymdeithasol ac annog perthynas gadarnhaol rhwng cenedlaethau
- Sicrhau bod pobl hŷn a gofalwyr yn teimlo eu bod nhw’n cael eu gwerthfawrogi a bod rhywun yn gwrando arnynt wrth gael mynediad at wasanaethau, cymorth a gweithgareddau
- Creu gweithgareddau cymunedol mwy hygyrch i bobl hŷn, a’r rhai sydd â nam ar y synhwyrau, anableddau corfforol neu broblemau symudedd
- Sicrhau bod pobl hŷn yn gallu cael gafael ar wybodaeth a chyngor am wasanaethau a chyfleoedd
BYW YN ANNIBYNNOL
I bobl hŷn fwynhau iechyd a lles da fel y gallant aros yn annibynnol
Rydyn ni eisiau i bobl hŷn a phobl sy’n byw gyda dementia fwynhau iechyd a llesiant da, a chael eu cefnogi i fyw’n annibynnol yn hirach.
I gyflawni hyn, byddwn ni’n gweithio tuag at:
- Gwella cyfleoedd ar gyfer gwneud addasiadau / newidiadau i’r cartref a fydd yn galluogi pobl i aros yn eu cartrefi eu hunain yn hirach
- Gwella cynhwysiant o fewn cymunedau i helpu pobl i gael synnwyr o bwrpas
- Cynyddu cyfleoedd i gymryd rhan mewn gweithgareddau corfforol wedi’u teilwra at anghenion pobl hŷn
- Codi ymwybyddiaeth a dealltwriaeth o faterion sy’n gysylltiedig ag iechyd meddwl a llesiant pobl hŷn
- Gwella cynhwysiant digidol
Creu ein blaenoriaethau ar gyfer pobl hŷn mewn rhifau
100+
Mae dros 100 o bobl hŷn a gweithwyr proffesiynol wedi bod yn gysylltiedig â chreu’r blaenoriaethau hyn.
3
Bydd tri gweithgor yn symud y gwaith hwn yn ei flaen.
5+
Mae dros bum darn creadigol wedi’u creu i rannu sut mae pobl yn teimlo am y themâu hyn.
Cafodd y blaenoriaethau hyn eu creu gyda phobl hŷn, gweithwyr proffesiynol, a darparwyr gwasanaethau.
Gallwch ddarllen yr hyn ddywedon nhw wrthym yma.
Clywed lleisiau pobl hŷn
Dysgwch fwy am ein gwaith i wella gwasanaethau a chymorth i bobl hŷn yma.
Methu dod o hyd i'r hyn sydd ei angen arnoch chi? Cysylltwch!
Drwy gydol y pum mlynedd byddwn yn rhannu diweddariadau ar gynnydd, ac yn gweithio’n gydgynhyrchiol gyda phobl sy’n byw ac yn gweithio yn ein cymunedau i gyflawni ein huchelgeisiau.
Rydyn ni wastad yn chwilio am bobl â phrofiadau byw, gofalwyr a gweithwyr proffesiynol i fod yn rhan o’n gwaith. Gallwch gofrestru ar gyfer ein tudalen gyswllt, a hefyd gofrestru i fynychu ein digwyddiadau.
Cymerwch ran
Mae’r Cynllun Ardal Rhanbarthol llawn ar gael yn y ddolen.
Os oes gennych unrhyw gwestiynau, e-bostiwch hello@ctmregionalpartnershipboard.co.uk.
Lawrlwythwch y Cynllun Ardal Rhanbarthol
Mae dros 100 o bobl hŷn a gweithwyr proffesiynol sy’n gweithio gyda phobl hŷn wedi helpu i lunio’r blaenoriaethau hyn. Byddwn ni’n adolygu’r blaenoriaethau hyn yn flynyddol, ac yn parhau i gynnwys pobl hŷn, eu teuluoedd a gweithwyr proffesiynol wrth eu gweithredu.
You may be interested in...
Bydd ein Bwrdd Gwasanaethau Oedolion Rhanbarthol yn adolygu’r camau gweithredu sydd eu hangen nawr er mwyn rhoi’r blaenoriaethau hyn ar waith; gweithio gyda gweithwyr proffesiynol a phobl â phrofiadau byw i wella gwasanaethau a chymorth.
Latest updates
Rydym yn falch o fod yn aelodau o
Rwydwaith Cydgynhyrchu Cymru.
Rydym yn falch o fod yn aelodau o
Rwydwaith Cydgynhyrchu Cymru.