Rydyn ni’n goruchwylio trawsnewid, datblygu a darparu gwasanaethau plant rhanbarthol ar draws Pen-y-bont ar Ogwr, Merthyr Tudful a Rhondda Cynon Taf.
Mae ein haelodau’n cynnwys pobl o feysydd iechyd, gwasanaethau cymdeithasol, y trydydd sector, addysg a thai.
Byddwn ni’n gwneud hyn drwy fonitro cynnydd y gwasanaethau o fewn cylchoedd gorchwyl; sicrhau bod gwasanaethau'n cyflawni'r canlyniadau a ragwelir i blant a phobl ifanc; monitro cyllidebau a sicrhau bod gwerth am arian yn cael ei gyflawni, a nodi cyfleoedd ar gyfer comisiynu gwasanaethau rhanbarthol.
Ein blaenoriaethau
Mae ein blaenoriaethau wedi'u creu gyda phobl â phrofiadau byw a gweithwyr proffesiynol sy'n gweithio gyda phlant a phobl ifanc.
Meysydd blaenoriaeth Plant a Phobl Ifanc
Rydyn ni’n gweithio gyda gwasanaethau gofal cymdeithasol ac iechyd i gefnogi rhieni bregus cyn i fabanod gael eu geni, i sicrhau bod y cymorth cywir ar gael ganddyn nhw i hybu genedigaeth ddiogel a rhianta cadarnhaol.
Rydyn ni’n gweithio gydag asiantaeth trydydd sector i ddarparu therapi a chymorth dwys i blant sy’n derbyn gofal sy’n byw mewn gofal maeth neu gartrefi plant.
Rydyn ni’n gweithio gyda phartneriaid i wella gwasanaethau a chymorth rheoli ymddygiad ar gyfer plant niwroamrywiol a’u teuluoedd.
Rydyn ni’n profi modelau newydd o ofal preswyl i greu llety pwrpasol ar gyfer plant ag anghenion iechyd a llesiant mwy cymhleth ac emosiynol.
Rydyn ni’n gweithio gyda phartneriaid i wella iechyd emosiynol, llesiant a gwytnwch plant oedran cynradd trwy chwarae a gwasanaethau a leolir yn yr ysgol.
“Pe bawn i’n gallu rhoi cyngor i unrhyw blentyn arall, neu i’r gwasanaethau cymdeithasol, byddwn i’n dweud wrthyn nhw am ddod i weld y tŷ hwn a phrofi iddyn nhw, os oes gyda chi broblemau fel fi, fe allech chi gael tŷ fel hwn, a byddai’n newid eu bywyd. Y bywyd gorau ges i erioed yw byw fan hyn.”
Person ifanc ag anghenion cymhleth sydd wedi cael cymorth i fyw mewn llety a gomisiynwyd drwy’r Bwrdd Plant Rhanbarthol.
*Enw wedi’i newid
Rydym yn falch o fod yn aelodau o
Rwydwaith Cydgynhyrchu Cymru.
Rydym yn falch o fod yn aelodau o
Rwydwaith Cydgynhyrchu Cymru.