Creu gwasanaethau a chymorth hygyrch i bobl sy’n byw yng Nghwm Taf Morgannwg.

GWYBODAETH, CYNGOR AC ARWEINIAD

I bobl gael mynediad i’r wybodaeth a’r arweiniad cywir

Rydyn ni eisiau i bobl gael mynediad at y wybodaeth, y cyngor a’r arweiniad sydd eu hangen arnynt.

I gyflawni hyn, byddwn ni’n gweithio tuag at:

• Gwella mynediad at wybodaeth
• Datblygu mannau diogel er mwyn i bobl allu mynychu gwasanaethau a gweithgareddau yn eu cymunedau
• Creu dull gweithredu rhanbarthol sy’n canolbwyntio ar gymorth sy’n canolbwyntio ar yr unigolyn
• Sicrhau bod cymorth teg ar gael ar draws ein rhanbarth
• Sicrhau bod gwybodaeth yn hygyrch ac yn hawdd i bobl ei deall, a bod pobl yn fwy ymwybodol o’r wybodaeth sydd ar gael iddynt

Darllen mwy

CYMUNED

Creu gwasanaethau iechyd a gofal cymdeithasol yn y gymuned

Rydyn ni eisiau gwella hygyrchedd gwasanaethau iechyd a gofal cymdeithasol yn y gymuned drwy wella mynediad at wasanaethau arbenigol yn agos at gartref. Byddwn ni hefyd yn gweithio i ddatblygu cymunedau cynhwysol, gan ddarparu mwy o gyfleoedd i bobl ag anabledd dysgu gymryd rhan yn ddiogel mewn gweithgareddau.

I gyflawni hyn, byddwn ni’n gweithio tuag at:

• Gwella cysylltedd cymdeithasol ac annog perthnasoedd cadarnhaol rhwng cenedlaethau.
• Sicrhau bod pobl yn teimlo eu bod yn cael eu gwerthfawrogi, a bod rhywun yn gwrando arnynt wrth gael mynediad at wasanaethau, cymorth a gweithgareddau.
• Creu gweithgareddau cymunedol mwy hygyrch i bobl hŷn, a’r rhai sydd â nam ar y synhwyrau, anableddau corfforol neu broblemau symudedd.
• Sicrhau bod pobl yn gallu cael gafael ar wybodaeth a chyngor am wasanaethau a chyfleoedd.

Darllen mwy

IECHYD A GOFAL CYMDEITHASOL

Gwasanaethau iechyd a gofal cymdeithasol integredig

Rydyn ni eisiau creu gwasanaethau iechyd a gofal cymdeithasol integredig a fydd yn cefnogi pobl ag anableddau dysgu drwy gyfnodau pontio allweddol yn eu bywydau.

I wneud hyn, mae angen i ni sicrhau bod digon o amser ac ystyriaeth ar gael i ddarparu gwasanaethau. Rhaid i ni hefyd wneud y mwyaf o gyfleoedd i bobl archwilio’r holl opsiynau posibl sydd ar gael iddyn nhw.

Darllen mwy

HYGYRCHEDD MEWN GOFAL DEMENTIA

Creu gwasanaethau a chymorth dementia hygyrch

Rydyn ni’n gwybod y byddai pobl sy’n byw gyda dementia a’u gofalwyr yn hoffi cael cymorth a gwybodaeth wedi’i deilwra i ddiwallu eu hanghenion.

Mae hygyrchedd yn thema allweddol yn Llwybr Safonau Gofal Dementia Cymru Gyfan, yr ydyn ni’n gweithio tuag at ei chyrraedd yng Nghwm Taf Morgannwg.

Rydyn ni eisiau addasu dulliau cyfathrebu, gwasanaethau a chefnogaeth fel bod pobl yn gallu cael mynediad at wybodaeth, cyngor a gofal mewn ffordd sy’n addas iddyn nhw.

Darllen mwy