Swydd Cyd-gadeirydd Anableddau Dysgu Rhanbarthol

Rydyn ni'n gwahodd ceisiadau ar gyfer Cyd-gadeirydd ag anabledd dysgu, gyda chefnogaeth sefydliad gwadd

Mae’r swydd hon, â thâl, ar gyfer oedolyn ag anabledd dysgu sydd eisiau helpu i wella gwasanaethau iechyd a gofal cymdeithasol ar draws Pen-y-bont ar Ogwr, Rhondda Cynon Taf a Merthyr Tudful.

Bydd y Cyd-gadeirydd yn defnyddio eu profiad byw i helpu i lunio penderfyniadau, cefnogi gwasanaethau gwell, a gwneud yn siŵr fod lleisiau’r bobl ag anableddau dysgu’n cael eu clywed.

Byddan nhw’n cael eu cyflogi a’u cefnogi gan sefydliad gwadd a fydd yn darparu cefnogaeth wedi’i deilwra yn ôl yr angen.

Gellir cael mwy o fanylion am y swydd a’r broses ymgeisio ar gyfer y Cyd-gadeirydd a’r sefydliad gwadd isod.

Gwnewch gais erbyn: 21 Mai

Am swydd y Cyd-gadeirydd

Mae swydd y Cyd-gadeirydd yn un bwysig o fewn y Grŵp Llywio Anableddau Dysgu.

Mae’r Grŵp Llywio Anableddau Dysgu’n goruchwylio’r gwaith sy’n digwydd ar draws ein Partneriaeth Ranbarthol i wella canlyniadau iechyd a llesiant i bobl ag anableddau dysgu.

Mae’r swydd yn helpu i sicrhau bod:

• Gan bobl ag anableddau dysgu lais cryf yn y broses o wneud penderfyniadau’n rhanbarthol
• Profiad byw yn llunio blaenoriaethau a gweithredoedd
• Cyfarfodydd yn groesawgar, yn dangos parch ac yn effeithiol.

Bydd y Cyd-gadeirydd yn gweithio’n agos gyda:

• Rheolwr Rhaglen Anableddau Dysgu
• Cyd-gadeirydd y Grŵp Anableddau Dysgu Rhanbarthol a Chadeiryddion ac aelodau llif gwaith
• Y sefydliad gwadd, a fydd yn darparu cyflogaeth a chefnogaeth wedi’i deilwra.

Mae’r grŵp llywio’n cwrdd bob deufis, ar lein yn bennaf, gyda rhai cyfarfodydd wyneb yn wyneb.

Pwy sy'n gallu bod yn Gyd-gadeirydd?

Rhaid i’r Cyd-gadeirydd:

• Fod yn oedolyn ag anabledd dysgu
• Fyw ym Mhen-y-bont ar Ogwr, Rhondda Cynon Taf neu Ferthyr Tudful
• Cael profiad o ddefnyddio gwasanaethau iechyd a gofal cymdeithasol
• Bod yn hyderus i eiriol dros bobl ag anableddau dysgu, drwy wrando ar eraill, a gweithio gyda phartneriaid amrywiol
• Eisiau ysgwyddo swydd Cadeirydd, gyda chefnogaeth

Cefnogaeth a chyflogaeth

Mae’r Cyd-gadeirydd:

• Yn cael ei gyflogi a’i gefnogi gan sefydliad gwadd
• Yn gweithio tua 2 awr yr wythnos, gyda hyblygrwydd yn ddibynnol ar anghenion

Bydd y sefydliad gwadd yn darparu cefnogaeth o ddydd i ddydd, tra bo’r Rheolwr Rhaglen Partneriaeth Ranbarthol yn rhoi cefnogaeth broffesiynol ac o ran y rhaglen.

Beth fydd y sefydliad gwadd yn ei wneud

Bydd y sefydliad gwadd yn cyflogi’r Cyd-gadeirydd, a darparu cefnogaeth wedi’i theilwra sy’n canolbwyntio ar y person, i’w helpu i baratoi ar gyfer cyfarfodydd, cymryd rhan ynddynt a gwneud unrhyw waith sy’n deillio ohonynt.

Mae hyn yn cynnwys darparu:

• gwybodaeth hygyrch
• cefnogaeth llesiant a diogelu
• cymorth ymarferol er mwyn i’r Cyd-gadeirydd allu arwain yn hyderus ac annibynnol

Pwysig: sut i ymgeisio

Mae hon yn broses ymgeisio ar y cyd.

Rhaid i’r Cyd-gadeirydd a’r sefydliad gwadd wneud cais gyda’i gilydd,

Mae hyn yn golygu:  

• Ni all sefydliadau gwadd ymgeisio heb gyflwyno Cyd-gadeirydd
• Rhaid cyflwyno’r Mynegiant o Ddiddordeb ar ran y sefydliad gwadd a’r Cyd-gadeirydd ar yr un pryd.
• Asesir ceisiadau fel un cais cyfun

Cyn cyflwyno cais, a fyddech cystal â:

• • Darllen Disgrifiad Swydd y Cyd-gadeirydd
  • Darllen Manyleb y Sefydliad Gwadd
  • Gwneud yn siŵr fod yr unigolyn a’r sefydliad yn barod i ymgeisio gyda’i gilydd

Y camau nesaf

Rhaid cyflwyno ffurflenni Mynegi Diddordeb y cynheiliad a’r cyd-gadeirydd i Adam Kurowski Wakeford, Rheolwr Rhaglen Anableddau Dysgu Rhanbarthol, dros e-bost erbyn 5pm ar 21 Mai. 

Gweler y dogfennau perthnasol isod:  

• Manyleb y sefydliad gwadd / cynheiliad
• Manyleb y Cyd-gadeirydd
• Mynegiant o Ddiddordeb y sefydliad gwadd / cynheiliad
• Mynegiant o Ddiddordeb y Cyd-gadeirydd

E-bostiwch Adam.KurowskiWakeford@rctcbc.gov.uk i gyflwyno eich ffurflenni Mynegi Diddordeb, neu i holi unrhyw gwestiynau.