Mynnwch fod eich lleisiau’n cael eu clywed a’u gwerthfawrogi wrth lunio a dylanwadu ar ofal a gwasanaethau cefnogi dementia

Fel partneriaeth sy'n dod â gweithwyr proffesiynol a chymunedau at ei gilydd i wella gwasanaethau iechyd a gofal cymdeithasol, mae'r gwaith hwn yn canolbwyntio ar ddeall profiadau pobl o deimlo eu bod yn cael eu gwerthfawrogi, eu clywed, a'u bod yn gallu dylanwadu ar benderfyniadau. Mae hefyd yn archwilio beth sy'n peri fod bod yn rhan o rywbeth yn teimlo'n ystyrlon a gwerth chweil.

Fel rhan o’r prosiect hwn rydyn ni’n cynnal cyfres o weithdai ar draws y rhanbarth yn ystod Wythnos Gweithredu Dementia (18-24 Mai 2026).

Cynhelir sesiynau ar gyfer pobl sy’n byw gyda dementia a / neu eu gofalwyr yn y lleoliadau canlynol (mae lleoedd yn gyfyngedig felly gwnewch yn siŵr eich bod chi’n cofrestru er mwyn cymryd rhan):

• Dydd Mercher 20^th Mai 13:00-15:00 YMa, Pontypridd, CF37 4TS – cofrestrwch yma, a gweld mwy o fanylion. 
• Dydd Iau 21^st Mai 10:00-12:00 yn Hwb Canol y Dref, Merthyr Tudful, CF47 8EL – cofrestrwch yma, a gweld mwy o fanylion. 

Byddwn ni hefyd yn ymgysylltu â phobl yn y grŵp Feel Good for Life ym Mhen-y-bont ar Ogwr ddydd Llun 18 Mai fel rhan bwysig o’r gyfres hon o sesiynau cymryd rhan.

Os na allwch chi fynychu ar unrhyw un o’r dyddiadau uchod, peidiwch â becso, bydd mwy o weithgareddau’n cael eu cynllunio dros y misoedd i ddod.

Gydag un o bob tri yn cael eu heffeithio gan ddementia, mae Wythnos Gweithredu ar Ddementia’n rhoi goleuni ar y cyflwr, gan annog mwy o gysylltu, dealltwriaeth a chefnogaeth i bobl sy’n byw gyda dementia, a’u teuluoedd.

Drwy gydol yr wythnos, bydd sefydliadau ar draws y rhanbarth yn cynnal ystod o weithgareddau i godi ymwybyddiaeth ac i gefnogi'r rheini a effeithiwyd gan ddementia.

Hoffem eich annog i wirio gyda’ch grwpiau cymunedol lleol am fanylion digwyddiadau a chyfleoedd i gymryd rhan. Drwy ddod ynghyd, gallwn ni greu mwy o gymunedau sy’n gyfeillgar i ddementia ble mae pawb yn teimlo eu bod yn cael eu cynnwys, eu gwerthfawrogi a’u deall.

I gael mwy o wybodaeth am flaenoriaethau rhanbarthol i wella gofal a chefnogaeth dementia, ewch i:  https://ctmregionalpartnershipboard.co.uk/cy/priority-areas-dementia/