Cynorthwywr Marie Curie

Sut mae prosiect Helpwr Marie Curie yn helpu teuluoedd??

Mae byw gyda salwch terfynol yn brofiad ofnadwy, i’r un sy’n sâl, ac i’w anwyliaid.

Dyna pam ei bod hi mor bwysig cael y gofal a’r gefnogaeth gywir. Gall pethau bach, fel cael sgwrs dros baned, neu gael cefnogaeth i wneud neges, gael effaith gadarnhaol pan fydd rhywun yn wynebu cyfnod heriol.

Mae gwasanaeth Helpwr Marie Curie’n cysylltu teuluoedd â Helpwr gwirfoddol penodol sydd wedi’i hyfforddi, a fydd yn ymweld â theuluoedd yn eu cartref, yn mynd mas gyda nhw i rywle, neu’n cael sgwrs dros y ffôn.

Am ychydig oriau bob wythnos, gan yr unigolyn, a’i anwyliaid, ddibynnu ar rywun i fod yno ar eu cyfer, pan fo’u hangen.

Sut mae’r prosiect yn gweithio?

Sut mae’r prosiect yn gweithio?

Mae pawb yn wahanol ond gall y math o gefnogaeth y bydd yr Helpwr gwirfoddol yn ei roi gynnwys:

Cwmpeini a chefnogaeth emosiynol – clust gyfeillgar, rhywun i wrando ar beth bynnag sydd ym mhen rhywun.

Cymorth ymarferol – bydd Helpwr gwirfoddol yn mynychu apwyntiadau neu ddigwyddiadau cymdeithasol i helpu gyda thasgau bob-dydd

Saib i deuluoedd a gofalwyr – bydd gwirfoddolwyr yn eistedd gyda’r person er mwyn i’w teulu neu ofalwr gael seibiant am ychydig oriau

Gwybodaeth am ragor o gefnogaeth – bydd gwirfoddolwyr yn helpu i chwilio am gefnogaeth a gwasanaethau eraill sydd ar gael yn yr ardal

Bydd Helpwyr gwirfoddol hefyd yn darparu cefnogaeth i deuluoedd am ychydig fisoedd ar ôl y brofedigaeth.

Am y gwirfoddolwyr

Bydd y gwasanaeth yn dysgu mwy am y person a’u teulu cyn paru Helpwr gwirfoddol.

Mae’r gwirfoddolwyr wedi cwblhau hyfforddiant arbenigol ar gyfer eu rôl.

Ar ôl eu paru, gall y teulu gysylltu â’u Helpwr gwirfoddol i drafod y gefnogaeth sydd angen.

Seilir y gwasanaeth yn llwyr o gwmpas anghenion yr unigolyn a’u teulu. Gall gwirfoddolwyr gynnig sgwrs dros y ffôn, cymorth ymarferol neu ragor o wybodaeth.

Cysylltwch

Os hoffech gael mwy o wybodaeth am y prosiect, cysylltwch isod.

Gall y gwasanaeth helpu rhywun os ydyn nhw’n 18 oed neu hŷn, gyda salwch terfynol, neu os yw’r unigolyn yn gofalu am rywun â salwch terfynol.

Mae’r gwasanaeth yn rhad ac am ddim.

Ffôn 0800 304 7407*

Efallai y bydd yn rhaid talu cost galwad. Gwiriwch gyda’ch darparwr.