Cefndir

Gall iechyd meddwl a llesiant da gael effaith gadarnhaol ar berthynas pobl, addysg, hyfforddiant a gwaith. Fodd bynnag, gall nifer o ffactorau effeithio ar y ffordd mae pobl yn teimlo, ac mae’n bwysig bod pobl yn gallu cael y cymorth a’r gefnogaeth gywir.

Mae creu system dda sy’n gweithio i blant, pobl ifanc ac oedolion yn hanfodol i wella canlyniadau iechyd meddwl a llesiant.

Ar y dudalen hon gallwch ddarllen sut  wnaethon ni gasglu mewnwelediadau i lywio ein ffocws ar gyfer y pum mlynedd nesaf.

Sut wnaethon ni gynnwys pobl sy'n defnyddio gwasanaethau iechyd meddwl wrth lunio ein Cynllun Ardal Rhanbarthol

Rydyn ni eisiau sicrhau bod pobl â phroblemau iechyd meddwl yn cael y cymorth, y gwasanaethau a’r wybodaeth gywir.

Yn 2022, cynhalion ni hac-a-thon a ddaeth â phobl sy’n defnyddio gwasanaethau iechyd meddwl a gweithwyr proffesiynol ynghyd. Gyda’i gilydd buon nhw’n edrych ar beth sy’n bwysig i ddefnyddwyr gwasanaethau, a sut  allwn ni gydweithio i wella iechyd a gofal cymdeithasol.

Yn ystod ein hac-a-thon iechyd meddwl, rhannwyd pawb yn grwpiau i edrych ar:

• Camddefnyddio sylweddau
• Unigrwydd ac arwahanrwydd
• Taith at ddiagnosis

Sut y gellir gwella gwasanaethau?

I grynhoi, hoffai pobl sy’n defnyddio gwasanaethau iechyd meddwl weld:

• Mannau di-alcohol i gymdeithasu ynddyn nhw, gan gynnwys clybiau, tafarndai a mannau bwyta
• Dull un drws gyda mynediad at yr holl wasanaethau (e.e. rhywun yn camddefnyddio sylweddau hefyd yn cael cymorth holistig)
• Cysylltu pobl sy’n teimlo’n unig â’i gilydd: buddsoddi mewn gwasanaethau cyfeillio i bob oed, hybiau aml-oedran
• Defnyddio lleoliadau cymunedol presennol i ddarparu cymorth heb y stigma o fynd i wasanaeth iechyd meddwl ‘hysbys’
• Un tîm yn gwybod stori gyfan y person, yn gweithio gyda’r person a thros y person