Mae Gwelliant Cymru, ynghyd â gweithwyr iechyd a gofal cymdeithasol proffesiynol, pobl sy’n byw gyda dementia a gofalwyr, wedi creu set o safonau gorfodol sy’n canolbwyntio ar wella gwasanaethau dementia.
Gelwir y rhain yn ‘Llwybr Safonau Gofal Dementia Cymru ’.
Maent wedi’u creu i helpu gweithwyr proffesiynol i gydweithio’n well fel bod pobl sy’n byw gyda dementia yn cael y gofal a’r cymorth gorau posibl.
Rydym eisiau gweithio gyda gweithwyr proffesiynol, gofalwyr a phobl sy’n byw gyda dementia ar draws Rhondda Cynon Taf, Pen-y-bont ar Ogwr a Merthyr Tudful i sicrhau bod y safonau’n cael eu cyrraedd.
Trwy gydweithio, gallwn sicrhau ein bod yn cyrraedd y safonau, yn cefnogi staff i ddarparu’r gofal gorau posibl, ac yn trawsnewid gwasanaethau er gwell.
Rydym yn arwain ar chwe ffrwd waith y gallwch chi fod yn rhan o’r gwaith o edrych arnynt:
ymgysylltu â’r gymuned
asesiad cof
cysylltwyr dementia
siarter ysbyty
dysgu a datblygu’r gweithlu
mesur a data.
Gallwch chi fod yn ganolog i ddylunio gwasanaethau i ddarparu gwell gofal dementia, ym mha bynnag rôl sydd gennych. Mae eich arbenigedd a’ch angerdd yn hanfodol i’r daith hon.
Bydd y digwyddiad yn dod â phobl yr effeithir arnynt gan ddementia a gweithwyr proffesiynol ynghyd i edrych ar y rhwystrau a'r heriau y mae pobl yn eu hwynebu. Gyda'n gilydd gallwn gynnig atebion i wella gwasanaethau.
Cofrestrwch yma
Eisiau rhannu gwybodaeth am yr ymgyrch? Gallwch lawrlwytho ein taflen ddigidol yma.
Lawrlwytho taflen ymgyrch
Rydym yn falch o fod yn aelodau o
Rwydwaith Cydgynhyrchu Cymru.
Rydym yn falch o fod yn aelodau o
Rwydwaith Cydgynhyrchu Cymru.