Rydyn ni wastad yn chwilio am bobl â phrofiadau byw, gofalwyr a gweithwyr proffesiynol i fod yn rhan o’n gwaith. Gallwch gofrestru ar gyfer ein tudalen gyswllt, a hefyd gofrestru i fynychu ein digwyddiadau.

Mae angen i geisiadau am arian cyfalaf gael eu cymeradwyo a’u cefnogi gan Bartneriaeth Ranbarthol Cwm Taf Morgannwg.

Ar gyfer unrhyw ymholiadau cychwynnol ynghylch cynlluniau llety cymwys posibl, gan landlordiaid cymdeithasol cofrestredig, cynghorau sir neu’r trydydd sector, holwch drwy’r Uned Gomisiynu Ranbarthol drwy anfon e-bost at naill ai Nia.mcintosh@rctcbc.gov.uk neu Sarah.mills@rctcbc.gov.uk

Mae’r Cynllun Ardal Rhanbarthol yn nodi’r anghenion iechyd a gofal cymdeithasol ar gyfer ein cymunedau, ein poblogaeth a’n pobl. Mae’r buddsoddiad cyfalaf a llety yn alluogwr sy’n rhoi cyfle i ni ddatblygu llety addas gyda gofal ar gyfer y grwpiau bregus hynny o bobl yn ein cymunedau. Cefnogir yr anghenion llety a amlygwyd yn y cynllun ardal gan Strategaeth Gyfalaf ddeng mlynedd sy’n diffinio’r meysydd blaenoriaeth ar gyfer datblygu llety dros y ddeng mlynedd nesaf.

Mae nifer o asiantaethau partner wedi dod ynghyd i greu Bwrdd Cyfalaf rhanbarthol, sy’n gweithredu o dan y Bwrdd Partneriaeth Rhanbarthol. Mae’r bwrdd hwn yn cynnwys uwch swyddogion o Gynghorau Bwrdeistref Sirol Rhondda Cynon Taf, Merthyr Tudful a Phen-y-bont ar Ogwr sy’n arbenigo mewn gofal cymdeithasol a thai, ynghyd â phartneriaid o blith landlordiaid cymdeithasol cofrestredig a Bwrdd Iechyd Prifysgol Cwm Taf Morgannwg. Mae’r bwrdd yn adolygu pob cais am gynlluniau llety newydd ac yn argymell y rhai ar gyfer derbyn buddsoddiad, sy’n ateb amcanion anghenion y cymunedau.