Penodi Is-Gadeiryddion ar gyfer Grŵp Llywio Rhanbarthol Dementia Cwm Taf Morgannwg

Fel yr Is-Gadeirydd cyntaf yng Nghwm Taf Morgannwg i ddod â phrofiad byw i’r rôl, mae Ceri – law yn llaw â Jonathan – yn dod â chyfoeth o fewnwelediad ac ymrwymiad dwfn i wella bywydau pobl sy’n byw gyda dementia a’u gofalwyr

dementia, ac mae hi wedi cefnogi sawl aelod o’i theulu ag anghenion iechyd cymhleth dros y 30 mlynedd ddiwethaf. Mae ei thaith bersonol wedi’i ffurfio’n eiriolwr angerddol dros well gwasanaethau dementia a chefnogaeth i ofalwyr.

Mae Ceri’n cynnal sawl rôl wirfoddol ranbarthol a chenedlaethol ar y lefel uchaf, ble bydd hi’n rhannu’i phrofiad byw er mwyn dylanwadu ar benderfyniadau ym maes gofal dementia.

Mae’r rhain yn cynnwys gwasanaethu fel cynrychiolydd gofalwyr ar Grŵp Dementia Trawsbleidiol Llywodraeth Cymru, bod yn aelod o fwrdd Gofal a Thrwsio Cwm Taf, gwirfoddolwr hwyluso grwpiau gyda Chymdeithas Alzheimer’s Cymru, a chyd-sefydlydd Lleisiau Dementia – grŵp sy’n allweddol o ran creu Cynllun Gweithredu Dementia i Gymru.

Fel sylfaenydd Troi Ponty’n Las – ymgyrch flynyddol sydd â’r nod o roi sylw i’r cyflwr – mae Ceri’n angerddol am sicrhau fod pobl â dementia’n cael eu trin â thosturi, a’i bod yn cael cefnogaeth i gadw i fwynhau eu diddordebau. Ar hyn o bryd mae hi’n astudio am radd Meistr mewn Dementia, sy’n helpu i ddyfnhau’i dealltwriaeth er mwyn cryfhau’i gwaith eiriol.

Mae Jonathan yn ymuno â Ceri fel Is-Gadeirydd, gan ddod â dwy ddegawd o brofiad arwain ar draws gofal canser, lliniarol, a dementia.

Fel Rheolwr Gwasanaethau Lleol dros Gymdeithas Alzheimer’s Cymru ym Merthyr Tudful a Rhondda Cynon Taf, mae e’n arwain tîm o ymgynghorwyr dementia sy’n cefnogi pobl sy’n byw gyda dementia, neu’n aros am ddiagnosis.

Mae’r Grŵp Llywio Dementia Rhanbarthol, sy’n gweithredu o fewn Partneriaeth Ranbarthol  Cwm Taf Morgannwg, yn dod â chynrychiolwyr ynghyd o feysydd iechyd, gofal cymdeithasol, y trydydd sector, a phobl â phrofiadau byw.

Gyda disgwyl y bydd 1 o bob 3 o bobl a enir ym Mhrydain heddiw yn cael diagnosis o ddementia yn ystod eu hoes, mae’r Grŵp Llywio’n chwarae rhan hanfodol o ran codi ymwybyddiaeth a gwella cefnogaeth gysylltiedig ar draws y rhanbarth.

Mae’i feysydd sylw’n cynnwys:

• Gwella ymwneud y gymuned
• Gwella’r profiad o gael diagnosis
• Gweithredu’r Siarter Ysbytai Cyfeillgar i Ddementia
• Cefnogi a datblygu’r gweithlu gofal dementia.

Fel Is-Gadeiryddion, bydd Ceri a Jonathan yn cefnogi’r Cadeirydd Kelvin Barlow i arwain y Grŵp Llywio, gan sicrhau y bydd aelodau’n cyfrannu o’i harbenigedd a’u hamser er mwyn darparu gweithredoedd sy’n cyd-fynd â blaenoriaethau dementia’r rhanbarth.

Dywedodd Ceri

“Mae hon yn eiliad hynod bwysig ar gyfer y Grŵp Llywio Dementia Rhanbarthol. Dwi’n credu yn y dywediad: ‘dim byd amdanom ni, hebom ni’ oherwydd mae cael rhywun sy’n meddu ar brofiad byw mewn rôl strategol, sy’n gwneud penderfyniadau, yn amhrisiadwy. Rhaid i bobl sy’n byw gyda dementia a’u gofalwyr gael eu gweld fel partneriaid cyfartal wrth lunio’r gwasanaethau sy’n effeithio ar eu bywydau

“Mae cyd-gynhyrchu’n gonglfaen i’r Ddeddf Gwasanaethau Cymdeithasol a Llesiant (Cymru), ac rydw i wedi ymroi i sicrhau nad dim ond egwyddor mo hynny ond ymarfer hefyd. Yn y rôl yma, fe fydda i’n defnyddio fy angerdd a phrofiad i yrru newid ystyrlon a dal pob partner yn atebol.”

Ychwanegodd Jonathan:

“Mae cefnogaeth i ddementia’n mynd ymhellach na gofal clinigol – mae’n emosiynol, yn ymarferol, ac yn eithriadol bersonol Mae’r trydydd sector, gan gynnwys Cymdeithas Alzheimer’s Cymru, yn chwarae rôl hanfodol wrth gefnogi pobl a theuluoedd cyn iddyn nhw gael diagnosis ac wedyn.

“Dwi’n angerddol o blaid taclo anghydraddoldebau iechyd a hyrwyddo gofal cynhwysol, sy’n canoli ar yr unigolyn, felly mae’n fy ysbrydoli i weld y Grŵp Llywio Dementia’n uno clinigwyr, darparwyr gwasanaethau, a phobl â phrofiad byw er mwyn gwella gwasanaethau a chefnogaeth. Gan weithio law yn llaw â Ceri, fy nod yw dod â lleisiau cefnogaeth anghlinigol i mewn i’r broses o wneud penderfyniadau, gan sicrhau fod sbectrwm cyfan anghenion pobl yn cael ei gydnabod a’i barchu.”  

Yn ôl Kelvin Barlow, Cadeirydd Grŵp Llywio Dementia Cwm Taf Morgannwg:

“Rydyn ni’n adeiladu rhanbarth ble gall pawb – waeth beth fo’u cod post – yn gallu cael mynediad i’r gofal a chefnogaeth dementia maen nhw’n ei haeddu. Gyda dementia’n effeithio ar gynifer o fywydau ledled Cymru, rhaid i’n mannau gwneud penderfyniadau yrru newid gwirioneddol, nid dim ond sgyrsiau.

“Rydyn ni wrth ein bodd i groesawu Ceri a Jonathan fel cyd-Is-Gadeiryddion. Bydd eu mewnwelediad a’u hegni’n ein herio ni, yn ysbrydoli arloesi, ac yn helpu i sicrhau ein bod ni’n darparu ar y Cynllun Gweithredu Dementia a’r Llwybr Safonau Gofal Dementia Cymru Gyfan – gan ddarparu’r gofal a’r gefnogaeth a ddisgwylir gan ein cymunedau.”

I gael mwy o wybodaeth am waith Grŵp Llywio Dementia Cwm Taf Morgannwg, ewch i:  https://ctmregionalpartnershipboard.co.uk/cy/priority-areas-dementia/