Cefndir

Mae pobl ag anableddau dysgu, eu teuluoedd a’u gofalwyr eisiau llais, dewis a rheolaeth dros benderfyniadau sy’n effeithio ar eu bywydau.

Rydyn ni’n gweithio gyda phobl ag anableddau dysgu i ddeall yr heriau a’r rhwystrau y maen nhw’n eu hwynebu, a hefyd pa gamau sydd eu hangen i wella gwasanaethau a chymorth.

Gellir gweld y blaenoriaethau a amlygwyd yn y llun ar y dde.

Canfyddiadau allweddol o'r hac-a-thon

Rhaid i bobl â phrofiadau byw a gweithwyr proffesiynol gydweithio i ysgogi newid ystyrlon.

Yn ystod ein hac-a-thon ar gyfer pobl ag anableddau dysgu ac awtistiaeth, rhannwyd pawb yn chwe grŵp i edrych ar:

• Swyddi a gwirfoddoli
• Iechyd meddwl
• Lleoedd Cymunedol
• Gofal seibiant
• Byw’n Annibynnol
• Mynediad i hwyl

Roedd y grwpiau’n cynnwys amrywiaeth o bobl ag awtistiaeth ac anableddau dysgu, yn ogystal â gweithwyr proffesiynol.

Isod rydyn ni wedi rhannu rhai o’r canfyddiadau allweddol o’r hacathon.

Sut y gellir gwella gwasanaethau?

Hoffai pobl ag anableddau dysgu weld:

• Mwy o gyllid i gyflogwyr a / neu ddarparwyr cyflogaeth â chymorth i sicrhau bod pobl ag anableddau dysgu’n gallu cyflawni’u potensial cyflogaeth llawn.
• Cynyddu cyfleoedd ar gyfer teithio, hyfforddiant a / neu deithio â chymorth i alluogi pobl ag anableddau dysgu i gael mynediad i weithgareddau, apwyntiadau, gwaith a lleoliadau gwirfoddoli
• Cynyddu digwyddiadau diwylliannol a chymdeithasol lleol i bobl ag anableddau dysgu gael mynediad iddynt, cael hwyl, cyfarfod a gwneud ffrindiau
• Adolygu opsiynau tai ar gyfer pobl ag anableddau dysgu ar draws y rhanbarth gyda’r bwriad o ddatblygu eiddo newydd mewn ardaloedd o isadeiledd da a gwella isadeiledd o amgylch y rhanbarth